Работилницата „Најзначајните информации за бременоста и породувањето“ во организација на Здружението „Лулка“ ќе се одржи во центарот на Скопје, во просториите на Домот на хуманитарни организации „Даре Џамбаз“, денеска (четврток 24 април 2014) со почеток од 18:00 часот.
Бременоста е многу значаен период од животот на секоја жена и на секое семејство. Таа треба да се доживее, да биде придружена со себеспознавање и откривање на родителите во нас. Токму затоа, за сите бремени жени и нивните партнери треба да бидат достапни најважните информации за бременоста, да се даде одговор на нивните прашања, со можност за комуникација и размена на искуства.
