Театарот за деца и младинци во среда (19 февруари) премиерно ќе ја изведе претставата „Бајка за царот Нај“ од Снежана Иљоска-Наумовска, во режија на Коле Ангеловски.
Во новиот проект на оваа национална установа учествуваат: Борјан Кирковски, Катарина Илиевска-Силјановска, Ненад Митевски, Емра Куртишова, Симона Спировска, Винета Дамческа, Мики Анчевски и Мартин Јорданоски.
Сценографијата е на Илина Ангеловска, костимографијата на Розе Трајческа-Ристовска, а музиката на Љупчо Мирковски.