Утре вечер (петок, 15 јуни) летниот клуб Сектор 909 ја започнува серијата на странски диџеј гостувања со хаус легендата од Чикаго, Boo Williams.
Boo Williams е роден и живее во Чикаго a својата музичка кариера ја започнува во раните 90ти инспириран и помогнат од Glenn Underground со кој стануваат неразделно дуо до денес и заедно работат како Strictly Jazz Unit. Првите изданија ги има во 94та година за Relief Records и Djax-Up-Beats а веќе во 96та го издава својот легендарен албум Home Town Chicago кој доби свое резидание оваа година. Потоа следуваат изданија за Guidance Records, Ovum, Nite Life Collective и од неодамна за холандската издавачка империја Rush Hour. Кога сето ова ќе се сублимира тој има бројка од над 50 изданија, ремикси и албуми во овие 20тина години креирајќи класики кои сеуште звучат свежо и уникатно и може да се чујат на секој подиум низ светот и на микс компилации на Ministry of Sound, Sony и Cajual.
Boo Williams има настапи низ целиот свет а неговиот диџејски стил опфаќа варијации на house музика од soulfull, disco но и препознатливиот chicago tehno звук. Ретка можност да се види и чуе оваа хаус легенда во Скопје. Веќе наредниот петок во Сектор 909 доаѓа и претставникот на Детроит house звукот, Terrence Parker.
Како домашна подршка на оваа забава ќе настапи познатиот скопски диџеј Flooder. Забавата започнува на полноќ, а влезот е 250 денари.
Линкови:
http://www.discogs.com/artist/Boo+Williams
http://www.mixcloud.com/boo-williams/
http://www.residentadvisor.net/dj/boowilliams
диџеј миксови:
http://soundcloud.com/r_co/boo-williams-strictly-jazz-unit-3-late-90s
http://soundcloud.com/r_co/boo-williams-glenn-underground