„Тајните писма“ од Робин Шарма на македонски јазик

„Тајните писма“ е продолжение на многупродаваниот серијал „Калуѓерот што го продаде своето ферари“ и содржи пораки за среќен живот.Издавач на книгата на македонски јазик е „Три“.

Објавена на повеќе од 50 јазици и продадена во десетици милиони примероци, „Калуѓерот што го продаде своето ферари“ ги освои луѓето низ целиот свет. Објавена токму на петнаесетгодишнината од објавувањето на првата книга со истоимениот наслов, Робин Шарма напишал моќна и безвременска приказна која долго останува со читателите.

Џонатан Лендри поминува низ тежок период во животот. По необичната средба со својот загубен роднина Џулијан Ментл – поранешен влијателен адвокат кој одеднаш исчезнал на Хималаите – тој е принуден да патува по светот за да ги собере тајните писмата во кои се кријат извонредните тајни што ги открил Џулијан.

На незаборавното патување што ве води во сензуалните сали за танго на Буенос Аирес, морничавите катакомби во Париз, блескавите кули во Шангај и мистичните пустини на Седона, Тајните писма на калуѓерот што го продаде своето ферари открива изненадувачки сознанија што ќе ви помогнат да си ја вратите моќта, да му бидете верни на своето вистинско јас и бестрашно да ги живеете своите соништа.

„Денес на светот нема вишок луѓе. Секој од нас е тука со причина, со некоја специјална цел – мисија. Да, биди среќен и забавувај се многу. И да, стани успешен, но според свои критериуми, а не според оние што ти ги наметнува општеството. Но – над сè – биди од значење. Направи твојот живот да е важен. Биди од корист. Биди им на услуга на колку што е можно повеќе луѓе. И биди рамо до рамо со најдобрите што некогаш живееле“ –  Робин Шарма.

You May Also Like