Културната манифестација „УГД Сцена“ по вторпат ќе се организира во Мултимедијалниот центар на Универзитетот „Гоце Делчев“ во Штип.
Во периодот од 22 ноември до 13 декември Мултимедијалниот центар на УГД ќе понуди најразлични културни содржини – театарски, музички и ликовни.
Преку „УГД Сцена“, Универзитетот „Гоце Делчев“ ја потврдува својата позиција како високообразовна институција која се грижи за квалитетот на студентскиот живот, академската заедница и пошироката јавност, нудејќи програми и содржини со високи естетски и културни вредности.
Под слоганот „Пронајди го својот круг“ и годинава ќе се обидеме да ви подготвиме возбудливи културни и уметнички доживувања. УГД Сцена“ е место каде што еден месец ќе се живее во името на театарот, музиката, ликовната уметност.
