Министерот за култура Елизабета Канческа – Милевска утре (недела, 10 јули 2011 година) во Дубровик, Република Хрватска ќе оствари билатерална средба со хрватскиот министер за култура, Јасен Месиќ.
На средбата на која ќе се разговара за продлабочување на односите во областа на културата помеѓу двете земји, ќе биде потпишана и новата Програма за културна соработка меѓу Министерството за култура на Македонија и Министерството за култура на Хрватска за периодот 2012 – 2015 година.
Во рамките на посетата на Дубровник, министерката за култура Канческа-Милевска, денеска (сабота) ќе присуствува и на свеченото отворање на 62-то издание на манифестацијата „Дубровнички летни игри“.