Изложба на накит на Јованка Јанкоска во Софија

Македонската дизајнерка Јованка Јанкоска ќе ја претстави својата најнова колекција на изложба насловена „Хексагон“ во Софија, што ќе биде отворена денес (сабота, 10 ноември). Ова е трета изложба на Јанкоска, а прва меѓународна.

„Хексагон“ е новиот инспиративен предизвик на Јованка Јанкоска, филигрански осмислен и на оваа третата самостојна и прва меѓународна изложба.

Со сребрената жица како медиум Јанкоска ги синтетизира традиционалните и модерни креативни тенденции така што хексагонот, што е во основата на формата, низ оплеменување со филигранот во техниката и методите на создавањето, добиваат универзални уметнички димензии.

Накитот создаден со уникатна и впечатлива естетика, како оригинално, единствено надополнување на убавината на жената, едновремено е и впечатлив изложбен експонат на Хексагон.

Изложбата традиционално е со продажен карактер и ќе трае до 09 декември.

You May Also Like