Вечер (недела, 14 април) во 20:00 часот во Кинотека на Македонија, во рамките на Циклусот дански филмови се прикажува „Смешниот човек“ биографски филм за комичарот Дирк Песер.
СМЕШНИОТ ЧОВЕК (Dirch)
игран филм, Данска
2011, 116 мин., колор, Блу Реј
режија: Мартин Зандвлит (Martin Zandvliet)
сценарио: Андерс Фројхоф Аугуст, Мартин Зиндвлит (Anders Frithiof August, Martin Zandvliet)
улоги: Николај Ли Кус, Џули Зангенберг, Ларс Ранте, Ларс Бројгмен, Малу Рејмен, Мортен Кјерсков (Nikolaj Lie Kaas, Lars Ranthe, Lars Brygmann, Malou Reymann, Morten Kirkskov)
Биографски филм за данскиот комичар Дирк Песер. Во заводлив стил на седумдесеттите, филмот СМЕШНИОТ ЧОВЕК ни ја открива осаменоста во која комичарот се наоѓа по доживаната голема и неочекувана слава. Тој се
бори меѓу сопствената желба да ја добие почитта на критичарите и потребата да го задоволи вкусот на публиката. По цена на блиското пријателство со партнерот на сцена Клејд Петерсен, Дирк ќе проба нешто посериозно – да го постави „Глувци и луѓе“ на Стајнбек. Но само што се појавува на сцена, публиката прснува во смеа.
