Денес завршува годинешното издание на фестивалот „Илинденски денови“

Со настап на атрактивната фолклорна група од шпанскиот град Лорка, како и со избрана автентична програма на уметници од Севрен Кипар, Полска, Јапонија и од Грција, вечерва (1 август)  во Битола завршува 48-то издание на фестивалот на народни песни и игри „Илинденски денови“.

Последната фестивалска вечер е насловена како фолклорна разгледница, а гостите од странство својот програмски настап ќе го посветат на наградените учесници.

Според востановената традиција изминативе години, и ова издание на фестивалот ќе се затвори во античкиот театар на Хераклеа.

Вечерва, гостите од странство ќе приредат интернационална фолклорна разгледница, а веднаш потоа ќе се одржи целовечерен концерт насловен како „Мојата Бабам Битола“ со Виолета Томовска, во придружба на групата „Фонтана и пријателите“.

Фестивалот на народни песни и игри „Илинденски денови“ се одржува под покровителство на Собранието на Република Македонија, а од оваа година е член на светската организација на фолклорни фестивали-ЦИОФФ.

You May Also Like