Утре (четврток, 26 јуни) во 12:00 часот во Матица ексклузив ќе биде промовирана книгата „Политички коректна поезија“ од младата поетеса Елена Пренџова.
За стихозбирката „Политички коректна поезија“ од Елена Пренџова, Христо Петрески ќе заклучи: „Станува збор за урбана, сигналистичка поезија, која е специфична и оригинална и според тематско-мотивската носивост и содржина, но и според необичниот графички и визуелен изглед на песните. Со ова необично и автентично дело, авторката Елена Пренџова е првиот добитник на наградата „Македонска книжевна авангарда“ за 2012 година“.
Промотори на книгата ќе бидат Трајче Кацаров и Марина Мијаковска.
