Sic Alps вечерва во МКЦ

Вечерва, (недела, 22.04) во Младинскиот културен центар (МКЦ) ќе се одржи концерт на Sic Alps од Сан Франциско (САД), а локална поддршка ќе им дадат Д Џон. Концертот ќе започне во 21:00, а билет чини 150 денари.

ЗДРАВО МЛАДИ 2012 промо настан

SIC ALPS (USA) се неуредна, тврда инди рок афера втемелена врз нојз поп и велвет андреграундовиот наркотичен lo-fi звук, формирани во 2000 година како соработка помеѓу Мет Хартман (поранешен член на “Henry’s Dress”) и Мајк Донован ( поранешен член на “Ropers”). Двајцата се сретнуваат во доцните деведесети додека се на турнеја со своите бендови. Почнувајќи со “Semi – Streets”, синглот издаден на касета за Folding, есента 2004 година. Подоцна, Sic Alps издаваат дваесетина синглови во наредните четири години, заедно со нивните EP-а (“The Soft Tour in Rough Form” и “Teenage Alps” 2006, како и “Description of the Harbor” 2007) и нивниот прв албум “A Long Way Around to a Shortcut” издаден за Animal Disguise пролетта, 2008.

Следува уште еден албум, “U.S. EZ” издаден за Siltbreeze издаден истото лето. Издавачката Drag City го реиздава албумот “A Long Way Around to a Shortcut” во 2009, со тоа што истата таа година, бендот станува повеќе активен свирејќи со Magik Markers, Times New Viking и Sonic Youth. Во 2010, Sic Alps свират на “All Tomorrow’s Parties” фестивалот, свират на Brixton Academy шоуто и допринесуваат со своја песна на Amnesty International компилацијата. Нивниот прв албум за Drag City издавачката куќа – “Napa Aslyum”, пристигна во јануари 2011 година во кој новитет е и новиот член на бендот Ноел Вон Харомонсон.

На мегдан со американците во ултимативната Lo-Fi пресметка ќе се појават скопските Д ЏОН. Предводени од харизматичниот Љупа Ангелов, Д Џон успеаа да стигнат до самиот врв на македонската независна сцена. Со солидна фан база и одличен настап во живо кој секогаш изобилува со многу енергија, гитарски импровизации и цврст звук, Д Џон од ден на ден се се’ повеќе интесерни и возбудливи за гледање. Бендот издаде грст ЕП изданија за матичната ПМГ, истите можете да ги соберете на сајтот на нивниот лејбл, а ако сте мангупи/ки можете да тркнете до Југотон и да си ги купите изданијата и на ЦД. Д Џон не се пропуштаат.

МКЦ, 22.04.2012 год. почеток:21 часот. Цена на билет 150 ден.

 

You May Also Like