Едно од најважните рок имиња на денешницата, бендот, проектот, концептот и ставот, Queens of the Stone Age, на 11 јуни доаѓаат во Србија!
Во информацијата од Егзит се вели: „Велат дека 11 јуни е одличен ден за рок’ен’рол. Поради тоа на овој датум ЕГЗИТ ја покрена идејата за нов еднодневен рок фестивал со Queens of The Stone Age како хедлајнери, со што ќе започне големата летна ЕГЗИТ АВАНТУРА, која со ова го добива и својот осми ден. И тоа не е сѐ – најверните фанови на ЕГЗИТ фестивал, ќе имаат прилика да го одберат градот во Србија во кој ќе биде одржан овој фестивал!
Составот кој го предводи музичарот, мултиинструменталистот, музичкиот продуцент и dirty rock гуруто Josh Homme, ќе го претстави својот последен албум “…Like Clockwork” објавен во јуни 2013. Ова е шести по ред студиски албум на бендот, кој публиката, но и критиката одлчно го прифатија, за што најдобар доказ е првото место на Billboard 200 листата на најдобри албуми во САД, но и номинацијата за две Grammy награди, помеѓу другото и за најдобар рок албум.
Листата на соработници на албумот е импозантна: Sir Elton John, фронтменот на Nine Inch Nails, Trent Reznor, Mark Lanegan, Nick Olivieri, фронтменот на Arctic Monkeys, Alex Turner, Jake Shears од Scissor Sisters, како и старите добри пријатели на бендот, Dave Grohl (Nirvana, Foo Fighters). QOTSA познати се по соработките со релевантни музичари, а најскорешниот пример е настапот на супергрупата составена од Nine Inch Nails, Queens of the Stone Age, Dave Grohl и Lindsey Buckingham од Fleetwood Mac, која ги затвори овогодинешните Grammy награди кревајќи голема прашина и контроверзии.
Мрсниот рокенрол звук на составот QOTSA на музичката сцена доминира веќе седумнаесет години, од 1997. кога го основа Josh Homme, една од највлијателните личности во рок музиката, еден од основачите на култниот состав Kyuss и член на бендовите Eagles Of Death Metal и Them Crooked Vultures (со Dave Grohl и John Paul Jones од Led Zeppelin). Составот до сега освои многубројни признанија од публиката и критиката и шест пати е номиниран за Grammy наградата“.