Публиката на Exit фестивалот отсекогаш ја почитувала квалитетната панк и метал свирка, па и оваа година се носат некои од најдобрите изведувачи на екстремните музички жанрови. Главната фестивалска бина ќе ја раздрма настапот на реге-метал бендот од Њу Порт Skindred, на Fusion бината ќе настапи култниот британски панк рок состав The Toy Dolls, додека Explosive ги носи „панк барабите“ Street Dogs и еден од најдобрите состави од жанрот на треш метал Dirty Rotten Imbeciles.
На главната бина на Exit фестивалот во четврток, 12 јули ќе настапи велшкиот состав Skindred. Нивниот жанр е иновативна мешавина на метал, панк и реге. Првиот албум Babylon Skinderd го издаде во јули 2003 година, со реиздание година дена подоцна под етикетата Lava Records, благодарение на што составот добива широка поддршка од обожавателите ширум светот и заминуваат на турнеја со составите Sevendust, Nonpoint и Papa Roach. До денес Skindred имаат издадено вкупно четири албуми, од кои последниот, Union Black, излезе во април минатата година, ги воодушевија обожавателите со својата нетипична мешавина на реге-метал со дабстеп, хип хоп и драм енд бејс елементи. Ова ветува одлична журка на самото отворање на Exit!
Утре дента (петок 13 јули) ќе го одбележи свирката на Toy Dolls, британскиот панк рок бенд оформен во 1979 година. Составот брзо стекна огромна фан база и иако на почетокот беа дел од Oi! сцената, нивните singalong рефрени станаа химни на поп панкот. Во 1983 година го објавуваат деби албумот Dig Tnat Groove Baby со кои привлекоа големо внимание на медиумите, за во 1984 со својата панк обработка на детската песна Nellie the Elephant да стигнат до четврто место на UK топ листите и да се задржат во топ 100 дури 12 недели. После повеќе од 30 години активно постоење на музичката сцена, дури 12 издадени студиски албуми и огромен број басисти и тапанари кои згрмеа низ бендот, Toy Dolls на почетокот на оваа година се враќаат со својот нов албум насловен The Album After the Last One, чиј назив е пародија на нивниот претпоследен албум од 2004 година, насловен Our Last Album?.
Естремната бина за екстремни луѓе, Explosive, во четврток, 12 јули ги претставува панкерите Street Dogs, а последниот ден на фестивалот и легендите на треш металот, Dirty Rotten Imbeciles .
Овој американски crossover треш бенд оформен во Хјустон 1982 година, е составен од вокалистот Kurt Breht, гитаристот Spajk Kesidi, тапанарот Rob Rempi и басистот Harold Oimoen. D.R.I. никогаш не ја придобија мејнстрим публиката, но интеграцијата на нивните панк рок корени со треш метал влијанија беше стилски катализатор за нивните современици – Suicidal Tendencies, Corrosion of Conformity и S.O.D. – заедно со кои се водат како пионери на нешто што подоцна ќе се нарече кросовер треш, по нивниот албум од 1987 година, Crossover. Имаат издадено седум студиски албуми, а во 2004 година ги издаваат и демо нумерите достапни само на веб, Against Me, првите снимени песни по цели четири децении мирување. По старата добра традиција на издавање еден албум на секои десет години, во моментов тие работат на нов материјал.
Street Dogs, пак, е рок бенд од Бостон со фронтменот Mike McColganom, некогашен фронтмен на прочуените Dropkick Murphys, кои ги напушти после деби албумот од 1998 година за да го оствари својот животен сон да стане пожарникар. Street Dogs се оформени во 2002 година после што McColgan сфати дека сепак не може без музиката. Првиот и исклучително успешен албум беше Savin Hill, додека другиот албум, Back To The World, од 2004 година беше уште поуспешен и собра одлични критики во САД, Европа и Јапонија, отворајќи му ја на бендот вратата за турнеи со бендови како што се Social Distorsion, Tiger Army, Bad Religion, Millencolin, The Bouncing Souls и The Briefs. Нешто подоцна, во 2006 година. Беа хедлајнери на турнеите и свиреа пред легендарниот бенд The Pogues. До сега имаат издадено пет студиски албуми, од кои последниот, Street Dogs, излезе во 2010 година. Познати се по стиховите насочени кон работничката класа и вистинската панк енергија на своите свирки.
Настапот на овогодинешниот Exit фестивал кој ќе се одржи од 12-15 јули веќе го потврдија легендарните Guns N’ Roses и New Order, Plan B, моќните Gossip, рокенрол атракцијата Wolfmother, world music сензацијата Buraka Som Sistema, на Elektrana се потврдени When Saints Go Machine, додека на светски познатата Dance Arena настапуваат Avicii, Richie Hawtin, Laurent Garnier LBS, Miss Kittin, Felix Da Housecat, Totally Enormous Extinct Dinosaurs Live, Azari & III live, Art Department, Maceo Plex, Brodinski, како и членовите на Cadenza етикетата, Luciano, Reboot Live, Kenny Larkin, Robert Dietz и Maayan Nidam.
Влезниците за Exit се во продажба. Повеќе информации за влезниците и продажните места може да се најдат на: www.exitfest.org и www.mktickets.mk.