Краткиот игран филм на Гоце Цветановски “Мал дисконтинуитет во времепросторот” е селектиран на Гросман филм и вино фестивалот во Словенија, каде што ќе се натпреварува за престижната награда Сребрен Мелиес.
Фестивалот се одржува од 15 до 19 јули во Љутомер, Словенија, а во официјалната селекција ќе се натпреваруваат 20 кратки филма од цела Европа.
Сребрениот Мелиес го доделува жири од Европската Федерација на Фестивали на Фантастични Филмови, а победникот на фестивалот автоматски станува кандидат за Златен Мелиес – најдобар краток фантастичен филм во Европа.
Филмот е независна копродукција на неколку продуцентски фирми од Македонија, а главните улоги ги толкуваат Висар Вишка и Драгана Левенска.