Фандрејзинг настанот АКСЦ во МКЦ, ќе се одржи во Младинскиот Културен Центар денеска (четврток, 8 мај 2014 година) со почеток во 19:00 часот.
Настанот ќе биде сочинет од содржини кој обично можеа и досега да се проследат во центарот, почнувајќи од проекција на краток документарен филм, потоа поетски перформанс на локални поети, програмата продолжува со изложба на млади уметници, заокружувајќи ја со концерти на пет македонски бендови кои ќе свират до крајот на вечерта.
Целта на овој настан, покрај одбележувањето на шесте месеци на неговата работа е и собирање на средства за понатамошно опстојување на овој слободен, отворен, некомерцијален и непрофитен, културно социјален простор, кој и досега функционираше на принцип на донации. Овој пат со побогата програма и на малку поразлично место ќе се обидеме заеднички да го прославиме овој мал јубилеј и да придонесеме центарот да продолжи да функционира како креативен отпор кон системот и формите на политичка и економска моќ, врз веќе воспоставените принципи на независност, слобода, солидарност, рамноправност, заемна помош, емпатија…