Продолжува продажбата на влезниците за концертот на Заз – музички феномен од париски Монмартр. Македонските фанови на Заз несомнено со големо нетрпение ја очекуваат првата концертна средба, па очекувано е и брзото темпо на продажба на влезниците. Остануваат уште 50-тина дена до нејзиниот концерт во Универзална, а веќе се распродадени над 60 проценти од билетите.
Младата пејачка со уникатна харизма и вонсериски пејачки способности, за кратко време стана најпосакуваната пеjачка на сите светски дестинации. Овогодинешната турнеја на Заз започна во Франција, ќе продолжи во Јапонија, Белгија, Германија, Украина, Русија, Полска, Турција, Чешка и Швајцарија, по кои концерти ќе ја посети и Македонија, а во окружувањето Заз ќе има свој настап и во Бугарија, Србија и Хрватска, кадешто влезниците за концертите на Заз ќе се движат од 25 до 60 евра. Новата Edith Piaf, како што ја нарекуваат во Франција и Америка, во Скопје доаѓа со својот бенд за да ги претстави своите мегахитови на македонската публика.
Во моментов не стивнуваат воодушевувањата од публиката после секој од настапите од оваа турнеја, исполенти со неодолив шарм типичен за францускиот „џипси“ џез. Музичките критичари со восхит пишуваат за нејзиниот глас, „ пријатен и богат како вината од Бордо“, кадешто Заз започна со своите музички перформанси.
Концертот на Заз во Скопје ќе се одржи во Универзалната сала во Скопје, на 28ми мај, а влезниците се продаваат во продажната мрежа на МК Тикетс.
Влезниците се во 4 категории:
* 800 денари
* 1000 денари (Fan pit, стоење)
* 1200 денари
* 1500 (VIP ложа)
Резервација на влезници на имејл tix@mktickets.mk.
___________________________________________
Изабел Жофруа (Isabelle Geffroy), позната по сценското име Заз е родена на 1. мај 1980. година во Тур, централна Франција. Студирала музичка теорија, особено виолина, пијано, гитара и хорско пеење. Во 1994 година се преселува во Бордо, а година подоцна зема часови по пеење. Во 2000 година добива стипендија од Регионалниот совет на Франција, кој ќе и овозможува да се запише во училиштето за модерната музика CIAM. Меѓу нејзините музички влијанија се Четирите годишни времиња од Вивалди, џез артистите Ела Фицџералд, Enrico Macias, Bobby McFerrin и Richard Bona, како и африканските, латино и кубански ритмови. Нејзиниот репертоар комбинира повеќе сродни жанрови од француската градска музика.
Во 2001. година пеjачка е на блуз групата “Fifty Fingers”. Во 2002. година се приклучува на латинската рок група Дон Диего. Договорот со нив го потпишува со “Z” од кадешто и потекнува нејзиниот прекар Заз. Дон Диего настапуваа со микс на француска и шпанска, афро, арапска, Андало и латино музика. 2006. Заз се преселува во Париз. Тие години свири клавир во париските кабареа и барови. Година и пол, секоја ноќ настапува во кабарето “Aux 3 Mailletz” во квартот Сен-Мишел, специфично за тогашните настапи на Заз – без микрофон. Во желбата за се поголем креативен простор се одлучува да стане уличен уметник. Пеела на улиците на Монмартр, тротоарот “Place du Tertre”. Еднаш ќе изјави “Нашата рекордна заработувачка беше 450 евра за еден час. Во принцип, беше тоа 20 до 30 евра на час по особа.
Во 2007. година се јавува на интернет оглас кадешто продуцентот и текстописец Кередин Солтани беше во потрага за нов уметник со “промолкнат и помалку скршен” глас. Соработката се случи веднаш, а Солтани во меѓувреме пронајде и издавач. И покрај овој ангажман, Заз и се приклучува на групата “Sweet Air” и со нив снима еден успешен албум. Во декември 2008. година во организација на Француската алијансе у Владивосток настапува во Русија со 13 концерти за 15 дена со пијанистката Жилијен Лифзиц. Во јануари 2009. година во париската Олимпиа Заз го освојува “Le Tremplin Generation France Bleu/Reservoir”, престижно натпреварување на млади таленти, со што добива 5000 евра за промоција, како и прилика да сними спот за МТВ и албум. Веднаш заминува на турнеја во Египет, по што веќе во летото 2009. учествува на престижниот “Fuji Rock Festival” во Јапонија, за да повторно се врати да пее на улиците на Монмартр.
Пресудна за Заз беше 2010 година. Париската Телерама веќе најави дека таа е свет глас и дека ќе биде откровение на летото. Така и се случи кога на 10. мај го објави својот прв албум. Автор е на повеќе од половина на албумот (“Trop sensible”, “Les Passants”, “Le Long de la route”, “Prends garde a ta langue”, “J’aime a nouveau”). Кередин Солтани е продуцент на албумот и автор на познатите “Je veux” и “Ni oui ni non” (со пијанистката Вивијан Рост). Истата година потпишува договор за турнеја со компанијата “Caramba” и издавачот “Sony ATV”. Нејзиниот прв сингл е веќе мегахит. “Je veux” (со над 10 милиони прегледи на YouTube) е една од нејзините најпопуларни песни која јасно го изразува презирот кон современото потрошувачко општество. Во истиот момент албумот ќе се најде на топ листите на сите европски земји, а во јуни 2010. година веќе ќе биде сертифициран како платиниумско издание, со над пола милион продадени копии.