Одличниот успех кој го доживува третиот дел на „Платеници“ во светските кино сали, веќе втора недела го позиционира во главниот термин(20.00 часот) на репертоарот на кино Милениум.
„Ол-стар“ актерската екипа, предводена од Sylvester Stallone кој се потпишува и како сценарист на филмот, очигледно е мамка за сите оние кои уживаат во ваков вид релативно едноставни филмски остварувања, но и за оние кои имаат поистенчен вкус, па со иронија и потсмев ги проследуваат сите продолженија на „Платеници“.
Покрај „Платениците“ на репертоарот се и комедиите „Снимка на секс“ и „Улица Скок бр. 22“, анимираните „Враќањето во ОЗ“ и „Како да го дресирате вашиот змеј 2“, како и модернизираниот митолошки хит „Херкулес“.