Денеска (четврток, 10 јули) во Градскиот пар во Скопје ќе биде отворен клубот „Младост-лудост“.
Сопствениците и организаторите информираат: „Велат, младоста носи лудост, а каде се младите ( и младите во душа кои се најразиграната публика) таму е и забавата. Затоа еден кретивен тим реши да не потсети на сите оние журки од старите добри времиња во Скопје, создавајќи еден сосема нов концепт на дискотека во градот, работничкото одмаралиште „Младост Лудост“ во Градскиот Парк.
Новото диско се наоѓа на поранешната локација на „Колосеум“, односно во делот со базенот веднаш до ноќниот клуб „ХЛ“.
Сопствениците ветуваат секојдневни забави со живи свирки на многу познати македонски бендови, а и тематски забави со диџеи.
„Младост Лудост“ ќе отвора во 00:00, а посетителите ќе може да се забавуваат до раните утрински часови.
Бидете дел од работничкото одмаралиште кое е спој на младоста, лудоста и добриот ноќен живот“ – велат од новиот скопски клуб „Младост-лудост“.