Во НУ Музеј на современата уметност , вечерва (петок, 01 март 2013), 19:00 часот, ќе биде презентирана монографија и ретроспективна изложба на Александар Ацо Станковски, македонски уметник и значаен претставник на современата македонска ликовна сцена.
Ќе бидат изложени 128 дела, а целосната слика за неговото творештво ќе може да се проследи и преку монографијата, чиј автори се Александар Станкоски и Владимир Величковски. Промотор на монографијата е Конча Пиркоска.
Изложбата ќе ја отвори Елизабета Канческа – Милевска, министер за култура, и директорката на НУ МСУ, Елиза Шулевска.