Македонскиот ликовен уметник Зоран Попоски е еден од победниците во Шестиот натпревар Artslant Showcase, во категоријата Апстракција, со сликата “Ветување” (2014).
Artslant Showcase е меѓународна уметничка награда што ја доделува најголемата светска онлајн мрежа за современа уметност, дизајнирана за изложување и промоција на талентирани светски уметници.
Зоран Попоски е трансдисциплинарен уметник со повеќе од 60 реализирани меѓународни самостојни и колективни изложби.