Во организација на Националната галерија на Македонија утре (30 јуни, сабота), во 18 часот во Македонскиот културен центар во Њујорк ќе се отвори изложбата Cognesance на уметниците Марко Манев, Михаела Јовановска и Теона Трајковска, кураторски проект на Ана Франговска, кустос во Националната галерија на Македонија.
“Cognoscence” е уметнички проект кој се однесува на перцепцијата како начин на восприемање на информациите од надворешниот/внатрешен свет и осознавањето на информации во мапата на искуства, создавајќи парабола помеѓу рационалното и ирационалното. Сите три уметници се обраќаат на одредена тема, дефинирајќи ја во различни ликовни значења и концепти кои заедно генерираат еден хомоген проект.
Изложбата ќе ја отвори Халиде Палоши, директор на Националната галерија на Македонија.