Вечерва (недела, 01 јули) во рамките на Бит Фест на летната сцена на Тумбе кафе со почеток во 20:30 часот започнува отвореното лето кино.
Ревијата на Тумбе кафе започнува со американскиот филм “Евтини приказни“ на режисерите Квентин Тарантино и Роџер Ејвери, награден со Оскар за најдобро оригинално сценарио и награда „Златна палма“ во Кан.
Во исто време во концертната сала на Завод и музеј концерт ќе одржат виолончелистот Кирил Јосифов и пијанистот Дино Имери.