Сончевото и топло време овој викенд ги наполни нашите туристички центри, а БАСКЕРФЕСТ беше причина повеќе туристите да уживаат во последниот викенд во јуни.
Дојран и Охрид на посетителите им овозможија да бидат дел од караванот кој носи среќа, па неколку дена по ред на градските плоштади баскер изведувачите ги забавуваа посетителите, особено оние најмладите.
Покрај овие два езерски града, фестивалот паралелно се одвиваше и на три други локации- Ресен, Битола и Банско во Бугарија.
