Во организација на Сојуз на спортови на Скопје, како дел од промотивните трки на Скопски маратон 2013, утре (недела, 14.04.2013 година), во Градскиот парк – кај Школка, со почеток во 11:00 часот, ќе биде реализирана женска трка – со една единствена цел: Превенцијата од заболувањата, започнете ја со вежбање.
Трките од овој карактер постојот насекаде низ светот со иста цел подигајќи ја свеста на жените дека не е доцна да почнат со активност. Почетокот на спортските активности ќе биде во 10:30 со аеробик вежби на Школка, а во 11 часот ќе стартува Трката на 1 000 метри (1 круг во парк). Патеката ќе биде означена и обележена со конуси и со ленти. По должината на патеката ќе има волонтери.
Котизацијата за женската трка предвесник на Скопскиот маратон е 50 денари, а секоја учесничка ќе добие стартен број. Трката има ревијален карактер, обезбедените награди ќе се поделат со извлекување среќни броеви.
Целата активност ќе се одвива во 2 дела:
1. 10:30 часот – Аеробик вежби за загревање, кои ќе ги водат инструктори – аниматори со искуство во оваа област. Вежбите ќе бидат со низок интензитет, лесни и приспособливи на сите возрасти. Позитивните стимулации се пресудни за расположението кое ќе ги мотивира жените да продолжат со вежбање преку целата година.
2. 11:00 часот – Трка на 1 000 метри. По завршувањето со аеробик вежбите, натпреварувачките ќе бидат повикани на стартната линија, каде што ќе им се објасни патеката. Трката ќе заврши за 10 – 15 минути.
По завршување на трката ќе биде организирана лотарија за сите учеснички во трката и ќе бидат доделени награди од спонзорите на трката. Со оглед на фактот дека жените имаат многу повеќе обврски, а се помалку време за себе, време за вежбање, ризикот за заболувања е се поголем. Овој непобитен факт организаторите на Скопски маратон сакаат да го изменат, почнувајќи од недела.
