Турскиот Театар ќе ја изведе претставата „СРЕЌНА НОВА ГОДИНА“ по мотиви на Даниил Хармс и Дејвид Ајвс во режија на Бојан ТРИФУНОВСКИ на 28. 01. 2019 ( понеделник ) со почеток во 20.00 часот.
Претставата ќе биде изведена на сцената во Театар Комедија. Истата се изведува со титл на македонски јазик.
НУ Турски Театар „СРЕЌНА НОВА ГОДИНА“ по мотиви на Даниил Хармс и Дејвид Ајвс.
Режисер и драматург: Бојан ТРИФУНОВСКИ
Сценографија: Љупчо ЈОВАНОВ
Костимографија: мр. Елена ВАНГЕЛОВСКА и Антонија ГУГИНСКА ЈОРДАНОВСКА
Музика: Ади ИМЕРИ
Кореографија: Александра КОЧОВСКА НАЧЕВА
Асистент на режија: Сибел АБДИУ
Улогите ги толкуваат:
Фунда ИБРАХИМ
Несрин ТАИР
Зубејде АЛИ
Емине ХАЛИЛ
Селпин КЕРИМ
Џенап САМЕТ
Неат АЛИ
Аксел МЕХМЕT
Един ЈАКУПОВИЌ
Берхеда РЕШИТ
Уметник кој истражува ЗОШТО светот САКА да се самоуништува, создава ментален простор во кој слободно размислува и твори. Таа негова ментална соба има пијано и во неа тој комуницира со своите претци и наследници, обидувајќи се да одгатне што не тера да работиме против себе. Во неговиот замислен свет, во константна состојба на 5 за 12, пред нова година, 10 масони преку јазикот на Хармс и на Ајвс создаваат атмосфера за интроспекција и само-соочување. Човек на човека му е волк, лошо маскиран во ефтин зајачки костим. Лабораторија за самоспознание и за обид да се дефинира процесот на елиминација на непродуктивни идеи во творечкиот ангажман. Човек против нечовечноста во себе. Човек со пијано како метафора против смртта.
