Галеријата Остен Ве поканува на прес – конференцијата по повод премиерно организирање на уметничка рута во центарот на Скопје – Арт рутата ЕВРОПА во ЦЕНТАР.
Прес – конференцијата ќе се одржи во Галерија Остен (улица „8 Ударна бригада“ 2, Скопје), четврток (5-ти мај 2001 година) со почеток во 11 часот.
Настанот ќе се одржи од 6ти до 9ти мај, по должината на улицата Максим Горки и околината. Истиот е во организација на Остен и е по повод 9 мај – Денот на Европа. Поддршка на настанот дадоа Делегацијата на ЕУ и Општина Центар.
Говорници ќе бидат Мице Јанкуловски (директор на Остен), Корнелија Конеска (стручен соработник на Остен и проектен менаџер на настанот), претставник од Делегацијата на ЕУ и дел од уметниците кои ќе земат учество на Арт рутата.
