„Red riding hood“ (Црвенкапа) е првиот сингл од деби албумот “Flyin’ top” на англискиот хип-артист Ола Диос кој веќе извесен период живее и работи во Скопје. Песната од вчера може бесплатно да се симне на официјалните сајтови на музичкиот канал „Ем-ти-ви“ (MTV) – www.mtv.rs и www.mtv.com.hr.
„Црвенкапа“ е приказна за одамна загубената љубов која сега е само духовно оставена во срцето. Продуценти на песната се Огнен Анастасовски (Bei the Fish), Драган Стојковски и Предраг Икономовски.
Спотот исто така е во подготовка и ќе биде премиерно прикажан на „Ем-ти-ви“ на 25 мај. Следниот месец ќе можете бесплатно да го симнете деби албумот „Flyin Top“ на Ола Диос, а до тогаш слободно симнете си го синглот „Red Riding Hood“.
