Уште само неколку дена од почетокот на второто издание на винскиот фестивал во Охрид, кој ќе се оддржи на 22, 23, 24 јуни.
Богата музичка програма со македонски музички артисти е тоа што ќе го дополни уживањето во дегустацијата на македонските вина и вкусната храна.
На отварањето на фестивалот во четврток на сцената ќе ги видиме Баклава, Миле Кузмановски и Куку Леле.
Во петок Брас Брадрс, охридските рокери Бекдор Бенд и Лугер, како и легендарните Нокаут, а на последниот ден во сабота Александар Јосифовски, Фиц енд д инвизиблс (Студени нозе грејтест хитс) и Фанк Шуи.
Сите денови настанот ќе го отвара диџеј РУТБОЈ СЕЛЕКТОР од 18:00 часот, а бендовите ќе ги забавуваат гостите до 01:00 часот.
Сo оваа програма организаторот ќе ги задоволи различните вкусови на сите посетители, за да во позитивна атмосфера се дегустира убаво вино.
Целта е овој фестивал да стане традиционален и да ја дополни и така богатата културна програма на Охрид.
