„Ohrid Dance Festival“ од 12-14 септември

Во организација на Танцовиот клуб „Dancers United MK“, во периодот од 12 до 14 септември 2014 година, ќе се одржи првиот по ред „Ohrid Dance Festival“.

Ohrid panorama

Организаторите се потрудија во вечниот град на светлината – Охрид, за сите учесници да обезбедат одлична забава која ќе трае од раните утрински до доцните вечерни часови. Покрај одличната музика, танцот, забавите, забавите на плажа… организаторите обезбедија и обука за танц.

Инструкторите кои својата вештина во танцот ќе ја споделат со сите учесници, се познати во регионот и светот, меѓу нив: Ведран Марчета (Сараево,БиХ), Лејна Кариќ-Лубарда (Сараево, БиХ), Арисон Лопез (Доминиканска Република), Хуан Де Диос Гала (Куба), Иван Јовановиќ и Ивана Јовановиќ (Подгорица, Црна Гора), Нермин Кочан и Сара Кочан (Скопје), Сања Василевиќ (Нови сад, Србија), Мустафа Ал-Асад (Кувајт), Катерина Стојковска (Скопје)… Важно е да се напомене дека ова не е конечната листа. Предвидената котизација е симболична и истата вклучува влезница за сите работилници, забави, како и сместување со доручек во Хотел Силекс (4*) каде воедно ќе се одржуваат едукативните работилници за танц.

Уживајте во Салса ON1, Салса Кубана, Салса Руеда Де Казино, Бачата, Доминиканска Бачата, Бачатанго, Танго, Афрорумба, Зоук, Кизомба, Регетон, Ча-ча и уште многу други стилови. Сите заинтересирани за учество на овој фестивал, повеќе информации можат да најдат на официјалната web страна на Dancers United MK (www.dancersunitedmk.org ) или на официјалната facebook страна (www.facebook/dancersunitedmk).

 

You May Also Like