„Одмазда на женски начин“ од денеска во македонските кина

Публиката ќе има можност да го гледа филмот „Одмазда на женски начин“ (The Other Woman) на големото платно од 24 април. Студиото „Twentieth Century Fox“ собра одлична женска постава, а филмот во Македонија ќе се прикажува во Синеплекс,  3д кино Битола и 3 д кино Кавадарци.

odmazda_na_zenski_nacin

Три карактерно различни жени имаат само една заедничка работа во животот – истовремено ги изиграл ист маж. Повеќе не е важно која ќе биде со него, туку како да му се одмаздат! Одмаздата на „женски начин“ ги доведува во низа комични ситуации. Откако дознала дека дечко и’ е оженет, главниот женски лик (Камерон Дијаз) се обидува да го среди својот разнишан живот и да се врати на „вистинскиот пат“. Меѓутоа, кога случајно ќе ја запознае неговата жена (Лесли Ман) согледува дека двете имаат многу заеднички нешта. Набрзо, смртните непријатели стануваат неразделни и добри пријателки. Откако ќе откријат уште една љубовница (Кејт Аптон), трите жени ги здружуваат силите и смислуваат заедничка одмазда.

Главните улоги во филмот „Одмазда на женски начин“ ги толкуваат Камерон Дијаз (Cameron Diaz), Кејт Аптон (Kate Upton) и Лесли Ман (Leslie Mann). Главниот машки лик е згодниот Николај Костер-Валдоу (Nikolaj Coster-Waldau), кој и’ е познат на пошироката јавност по улогата на Џејми Ланистер во култната серија „Игра на тронови“.

Во филмот се појавуваат американската рап ѕвезда и актерка Ники Минаж (Nicki Minaj) и младата машка ѕвезда во подем Тејлор Кини (Taylor Kinney), кој на женската публика и е познат од видео-спотот на Лејди Гага „You and I“

You May Also Like