По повод 80 години од раѓањето и 10 години од смртта, Градската библиотека „Браќа Миладиновци“- Скопје, организира Книжевно пладне посветено на македонскиот писател Бранко Варошлија.
Чествувањето ќе се одржи денеска (среда,12 ноември) во Спомен- собатата на Миладиновци во Библиотека, со почеток во 12.00 часот. За делото на Варошлија ќе говори Данило Коцевски, а фрагменти од неговото творештво ќе интрепретира актерот Томе Витанов.
Раскажувачот и романсиерот Бранко Варошлија роден е во Скопје на 1 јануари 1934 година. Тој е автор на книгата раскази Осамени минувачи и на романот Последниот лет на птицата селица. Книжевната критика неговите книги ги објаснува како дело напишано според највисоките стандарди на модернистичкото писмо. Пишувал и драми и книжевни критики. Работел како драматург во Македонскиот народен театар и како новинар во „Нова Македонија“. Член е на ДПМ од 1958 година. Добитник е на наградата „Рациново признание“. Починал на 1 јануари 2004 година во Скопје.