Во периодот мај/јуни публиката ќе може да проследи ексклузивни филмски наслови во 3D Кино Битола …
Во четврток 15.04.2014 год. во 20.00 часот во 3D Кино Битола ќе се одржи светска премиера на филмот Годзила, коj ќе се прикажува во 3Д технологија. Новото продолжение на Годзила во режија на Gareth Edwards, претставува филмски спектакл со моќна приказна. Главните улоги ги толкуваат Aaron Taylor-Johnson, Elizabeth Olsen и Bryan Cranston.
Исто така, од четврток на репертоар ќе биде и Brick Mansions со Paul Walker, David Belle и RZA во главните улоги.
Од 22.05.2014 год. ќе се прикажува „Х-мен: Денови на идното минато“ (3Д). Омилените ликови од филмската трилогија “X-Men” ги здружуваат силите со нивните помлади сопствени ликови од минатото (од”X-Men: First Class”), со цел да се промени голем историски настан и да се борат во епска битка што би можела да ја спаси иднината. Главните улоги ги толкуваат Patrick Stewart, Ian McKellen и Hugh Jackman, филмот е во режија на Bryan Singer.
Во истиот период ќе се прикажува и „Грејс од Монако“, филм кој ќе го отвори 67от Кански филмски фестивал. Филмот го портретира периодот на животот на легендарната американска актерка Грејс Кели, откако таа стана принцеза на Монако во 1956 година. Главни улоги: Nicole Kidman (Грејс Кели) , Tim Roth (Принц Рение). Режија : Olivier Dahan.
Од 29.05.2014 год. ќе се прикажува научно-фантастичнот 3Д филм „ Edge of Tomorrow“ со ѕвездите Tom Cruise, Emily Blunt и Bill Paxton, а од 05.06.2014 год. долго очекуваната филмска бајка „Maleficent“ на Дизни, во која Angelina Jolie ја глуми лошата самовила од еден од најпопуларните анимирани филмови во историјата „Заспаната убавица“.
