Изведба која ќе направи да ви затрепери срцето, ќе го направи горд секој Македонец и искрен почитувач на убавата песна.
Во изведба на Македонецот Благој Ламњов и Симфонискиот оркестар во Норчепинг, проследете ја оваа прекрасна изведба на Сербез Донка.
Кларинетистот Благој Ламњов го започнал своето музичко образование на 9-годишна возраст за кларинет, како и музичка теорија во родната Македонија. Тој е добитник на прва награда на три меѓународни натпревари, вклучувајќи го и A.N. and Pearl G. Barnett Family Foundation Competition во Чикаго во 2008 година, селектиран од истакнати кларинетисти, вклучувајќи го и поранешниот главен кларинетист на Симфонискиот оркестар на Чикаго, Лери Комбс.
Дипломира во Шведска на Универзитетот Лунд, Академија за музика Малме. По неговото образование во Шведска, Ламњов се сели во САД, за да ја надгради својата наобразба со д-р Елса Вердер, професор на државниот универзитет во Мичиген и Џон Брус Је, асистент на директорот и прв кларинет на симфонискиот оркестар во Чикаго.
