На денешен ден: Роден е Ацо Станковски

На денешен ден роден е Александар Ацо Станковски (Кичево, 26 јануари 1959) е македонски уметник, претставник на македонската алтернативна сцена.

Дипломирал на Факултетот за ликовни уметности во Скопје во 1985 година, во класата на Драгутин Аврамовски.

Еден е од клучните членови на групата „Зеро“, која се појавила во 1985 година, како своевиден андерграунд одговор на тогашната уметничката сцена етаблирана во социјалистичкиот режим.

Познат е по постмодернистичкиот и често, провокативен пристап во своето творештво. Користи колажен метод на компонирање зачинет со иронија, критички осврнувајќи се кон настаните во стварноста.

Заедничка црта за целото творештво на Александар Станковски е неговата поврзаност со културата на андерграундот. Користи хуморно-гротескен уметнички израз каде се третираат прашањата за религијата, сексуалноста и политиката. Постмодернистичката иронија и самоиронијата се често присутни во неговиот опус.

Изложби и перформанси

Александар Станковски е главно ликовен уметник. Колажната техника која тој ја употребува опфаќа голем број на сегашни и уметнички правци со кои си „игра“ во презентирањето на своите концепти. Употребува повеќе техники: масло на платно, масло на картон и други техники.

Има остварено повеќе самостојни изложби во земјата и во странство:
Дом на ЈНА, Скопје (1980)

Дом омладине Будо Томовин, Подгорица (1984)
Галерија 25 Мај, Скопје (1985)
Галерија Hronos, Загреб (1986)
Kunst onder de toren, Бреда, Холандија (1987)
Hallway Gallery, Peninsula Museum of Art, Монтереј, Калифорнија, САД (1988)
Bank fur Verschaft Social, Келн, Германија (1989)
Schoultke Gallery, Келн, Германија (1990)
Музеј на град Скопје, Скопје (1997)
Музеј на град Скопје, Скопје (2002)
Пенетрација во ЕУ, перформанс, Press to Exit, Скопје (2005)
Сновиденијата на Пандалф Вулкански, Културен центар Точка, Скопје (2005/06)
Ликовен салон на МАНУ, Скопје (2006)
Скарадности, Куршумли-ан, Скопје (2006)
Разгледници од транзицијата, Дом на млади, Штип (2007)
Петолетка, изложба во рамките на манифестацијата Бела Ноќ, КИЦ, Скопје (2007)
Политиката на телото во сликарството на Александар Станковски, јавен разговор, Културен центар Точка, Скопје (2008)
Синергија (со Мартин Галевски), Отворено графичко студио, Музеј на град Скопје (2008)
Јавна вечера по повод „Тајната вечера“ на Станковски, перформанс, Галерија 7, Скопје (2009)
Забава, стрип-изложба, Мала Станица, Скопје (2009)
Нудизам, изложба на акти, Мала Станица, Скопје (2011)
Театар, изложба, Младински културен центар, Скопје(2017)