Почнувајќи од 27 ноември (петок), следните десет вечери во кинотечното кино ќе му бидат посветени на полскиот режисер Кшиштоф Кешловски и неговата филмска серија ДЕКАЛОГ, реализирана во 1988 година.
Овој циклус Кинотеката го реализира во соработка со амбасадата на Полска во Македонија.
27 НОЕМВРИ (ПЕТОК), 20:00 ч.
28 НОЕМВРИ (САБОТА), 18:00 ч.
ДЕКАЛОГ: 1
(Dekalog 1 / I Am the Lord Thy God)
Игран филм, Полска / Западна Германија
1988, 53 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Kieślowsk, Krzysztof Piesiewicz)
Улоги: Хенрик Барановски, Војчех Клата, Маја Коморовска, Артур Барикс, Марија Гладковска (Henryk Baranowski, Wojciech Klata, Maja Komorowska, Artur Barics, Maria Gladkowska)
Првата епизода од ДЕКАЛОГ е инспирирана од првата Божја заповед; „Јас сум Господ твој, да немаш други богови освен Мене“.
Во првата епизода го следиме десетгодишниот Павел и неговиот татко Кшиштоф, кои живеат според „правилата“ што им ги поставува нивниот домашен компјутер. Неговата тетка, пак, е загрижена дека духовното образование Павел е занемарено. Но, Павел е премногу зафатен со детското уживање во реалниот живот, посебно што како Божиќен подарок од неговиот татко добива пар лизгалки. Компјутерот прогнозирал дека замрзнатото езеро е доволно безбедно за Павел да се лизга преку него…
Возрасна категорија: 12 години
Влезница: бесплатен влез
28 НОЕМВРИ (САБОТА), 20:00 Ч.
29 НОЕМВРИ (НЕДЕЛА), 18:00 Ч.
ДЕКАЛОГ: 2
(Dekalog 2 / Thou Shalt Not Take the Name of Thy Lord God in Vain)
Игран филм, Полска / Западна Германија
1988, 57 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Kieślowsk, Krzysztof Piesiewicz)
Улоги: Кристина Јанда, Александер Бардини, Олгерд Лукашевич, Артур Барикс (Krystyna Janda, Aleksander Bardini, Olgierd Lukaszewicz, Artur Barics)
„Не изговарај го напразно името на Господа, твојот Бог“.
Постар доктор-гинеколог ќе се најде во незавидна ситуација кога кај него ќе дојде трудна жена со комплицирано барање. Нејзиниот сопруг е тешко болен и може наскоро да умре, а таа е бремена од друг маж. Ако нејзиниот сопруг умре, таа не сака да го задржи детето. Трудницата затоа од докторот бара искрена прогноза за шансите на сопругот да преживее. Докторот е вознемирен од нејзиното барање, бидејќи неговиот одговор директно ќе одлучи за животот или смртта на малото човечко суштество во нејзината утроба. Дали докторот има право да биде Бог?
Возрасна категорија: 12 години
Влезница: бесплатен влез
29 НОЕМВРИ (НЕДЕЛА), 20:00 Ч.
30 НОЕМВРИ (ПОНЕДЕЛНИК), 18:00 Ч.
ДЕКАЛОГ: 3
(Dekalog 3 / Honor the Sabbath Day)
Игран филм, Полска / Западна Германија
1988, 56 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Kieślowsk, Krzysztof Piesiewicz)
Улоги: Даниел Олбрицки, Мариа Пакулнис, Јоана Шчепковска, Артус Барикс, Кристина Дрохоцка (Daniel Olbrychski, Maria Pakulnis, Joanna Szczepkowska, Artur Barics, Krystyna Drochocka)
„Памти го денот на одмор, за да го празнуваш; шест дена работи и сврши ги во нив сите работи, а седмиот ден е одмор на Господа , твојот Бог“.
Јануш е такси возач. Бадник е, и тој ги почитува католичките традиции во Полска за овој празничен ден: им дава подароци на членовите на неговото семејство и присуствува на полноќната миса. Подоцна, Ева, жена која му била љубовница три години порано, го моли за помош: нејзиниот сопруг е исчезнат, а таа го замолува да го бараат заедно. Ева, всушност, сака со измама да го задржи сега оженетиот и семеен човек Јануш на Бадник само за неа.
Сите го слават Бадник дома со семејствата, а Јануш и Ева се возат низ Варшава барајќи го нејзиниот наводно исчезнат сопруг. Јануш е постојано во дилема: дали треба да остане дома за да ја чествува светоста на Бадник, или, пак, треба да ѝ помогне на Ева, која вели дека ѝ е потребна неговата помош, и на тој начин да ја исполни божјата волја на светиот ден? Јануш е растргнат меѓу двете должности. Која е вистинската: или, пак, и двете се вистински?
Возрасна категорија: 12 години
Влезница: бесплатен влез
30 НОЕМВРИ (ПОНЕДЕЛНИК), 20:00 Ч.
1 ДЕКЕМВРИ (ВТОРНИК), 18:00 Ч.
ДЕКАЛОГ: 4
(Dekalog 4/ Honor Thy Father and Thy Mother)
Игран филм, Полска / Западна Германија
1988, 55 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Kieślowsk, Krzysztof Piesiewicz)
Улоги: Адриана Бедшржинска, Јануш Гајош, Артур Барикс, Адам Ханушкиевич, Јан Тесарж (Adrianna Biedrzynska, Janusz Gajos, Artur Barics, Adam Hanuszkiewicz, Jan Tesarz)
„Почитувај ги татка си и мајка си, за да ти биде добро и долго да поживееш на земјата“.
Младата студентка по глума Анка и нејзиниот татко се многу поврзани, живеат заедно по смртта на мајка ѝ на Анка. Но, нивниот однос е повеќе релација на блиски пријатели отколку класичниот однос татко-ќерка.
Еден ден таа нивна блискот ќе биде доведена во прашање откако Анка ќе го најде писмото на нејзината мајка, кое ги открива старите семејни тајни. Содржина на писмото ја тера Анка да го доведе во прашање нејзиниот топол и пријателски однос со татко ѝ. Дури и ако прашањето се однесува на тоа кој, навистина, е нејзиниот татко?
Возрасна категорија: 12 години
Влезница: бесплатен влез
1 ДЕКЕМВРИ (ВТОРНИК), 20:00 Ч.
2 ДЕКЕМВРИ (СРЕДА), 18:00 Ч.
ДЕКАЛОГ: 5
(Dekalog 5 / Thou Shalt Not Kill)
Игран филм, Полска / Западна Германија
1988, 58 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Piesiewicz)
Улоги: Мирослав Бака, Кшиштоф Глобиш, Јан Тесарж ((Mirosław Baka, Krzysztof Globisz, Jan Tesarz)
„Не убивај“.
Јацек (Мирослав Бака), новодојденец во големиот град, патолошки ужива во поголемите и помали неволји што може да им ги приреди на другите луѓе. Валдемар е такси-возач кој се труди да направи што поголем профит. Пјотр (Кшиштоф Глобиш) е млад адвокат кој штотуку го завршил школувањето и е полн со идеали…
Без никаква посебна причина, Јацек фрла голем камен од мост врз такси-возилото на Валдемар, и го гледа како умира во маки. Уапсен е, а негов бранител во судскиот процес е адвокатот Пјотр. Јацек е осуден на смртна казна. Навидум ладнокрвниот убиец, без трошка сомилост за другите, сега е многу исплашен од смртта…
Возрасна категорија: 12 години
Влезница: бесплатен влез
2 ДЕКЕМВРИ (СРЕДА), 20:00 Ч.
3 ДЕКЕМВРИ (ЧЕТВРТОК), 20:00 Ч.
ДЕКАЛОГ: 6
(Dekalog 6 / Thou Shalt Not Commit Adultery)
Игран филм, Полска / Западна Германија
1988, 57 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Piesiewicz)
Улоги: Грацина Шаполовска (Grazyna Szapolowska), Олаф Лубашенко (Olaf Lubaszenko)
„Не врши прељуба“.
Сторијата на шестата епизода е ситуирана во соцреалистичкиот микросвет на сиви згради, во општество чии поданици сметаат дека се без перспектива. Младото и срамежливо деветнаесегодишно момче (Олаф Лубашенко) платонски се вљубува во постарата промискуитетна сосетка од соседната зграда (Грацина Шаполовска). Ги набљудува нејзините активности и навики преку телескоп, решава да ѝ пријде и да ѝ изјави љубов, па затоа станува доставувач на млеко…
Жената веќе одамна е разочарана од животот и не верува во емоциите. Наивното момче толку е заинтересирано за неа што тоа веќе станува болна опсесија. Жената го открива и му го отвора нејзиниот свет, во кој не постои љубовта каква што ја замислува младичот, туку само физичката привлечност и сексот…
Возрасна категорија: 12 години
Влезница: бесплатен влез
3 ДЕКЕМВРИ (ЧЕТВРТОК), 20:00 Ч.
4 ДЕКЕМВРИ (ПЕТОК), 20:00 Ч.
ДЕКАЛОГ: 7
(Dekalog 7 / Thou Shalt Not Steal)
Игран филм, Полска / Западна Германија
1988, 55 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Piesiewicz)
Улоги: Ана Полони, Маја Барелковска, Владислав Ковалски, Богуслав Линда, Катаржина Пивоварчик (Anna Polony, Maja Barelkowska, Wladyslaw Kowalski, Boguslaw Linda, Katarzyna Piwowarczyk)
„Не кради“.
Божјата заповед вели „Не кради!“, но во оваа епизода од ДЕКАЛОГ на сценаристите Кешловски и Пешевич се работи за „кражба“ на дете од страна на нејзината биолошка мајка.
Жената со име Мајка ја краде ќерката што ја родила многу млада. Нејзината мајка Ева, пак, во желба да се избегне скандал во семејството за кој надолго и нашироко со години ќе се збори, ја одгледува внуката како своја ќерка, бидејќи Мајка е емоционално неспособна да се справи со одговорноста. Малечката расте со убедувањето дека Мајка е нејзината постара сестра сè до моментот кога Мајка, во обид да оствари вистински однос со ќерката, ќе ја грабне и ќе ја однесе кај нејзиниот биолошки татко…
Возрасна категорија: 12 години
Влезница: бесплатен влез
4 ДЕКЕМВРИ (ПЕТОК), 20:00 Ч.
5 ДЕКЕМВРИ (САБОТА), 20:00 Ч.
ДЕКАЛОГ: 8
(Dekalog 8 / Thou Shalt Not Bear False Witness)
Игран филм, Полска / Западна Германија
1988, 55 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Piesiewicz)
Улоги: Мариа Кошчалковска, Тереза Марчевска, Артур Барикс, Тадеуш Ломницки (Maria Koscialkowska, Teresa Marczewska, Artur Barics, Tadeuzs Lomnicki)
„Не сведочи лажно против твојот ближен“.
Елжбета, полска Еврејка од Америка, пристигнува во Варшава од САД со цел да ги истражи судбините на Евреите кои ги преживеале ужасите на Втората светска војна на во Полска. На предавањето за етичките вредности Елжбета ја забележува Зофија и ѝ приоѓа со тврдењето дека ја познава од времето на војната. Елжбета била мало еврејско девојче кое побарало помош од Зофија да ја скрие од нацистите, но Зофија одбила. Зофија, пак, тврди дека имала добра причина за нејзината постапка…
Возрасна категорија: 12 години
Влезница: бесплатен влез
5 ДЕКЕМВРИ (САБОТА), 20:00 Ч.
6 ДЕКЕМВРИ (НЕДЕЛА), 20:00 Ч.
ДЕКАЛОГ: 9
(Dekalog 9 / Thou Shalt Not Covet Thy Neighbor’s Wife)
Игран филм, Полска / Западна Германија
1988, 58 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Piesiewicz)
Улоги: Ева Блажчук, Пјотр Махалица, Артур Барикс, Јан Јанковски, Јоланта Петек-Горецка (Ewa Blaszczyk, Piotr Machalica, Artur Barics, Jan Jankowski, Jolanta Pietek-Górecka)
„Не ја посакувај жената на твојот ближен“.
Приказна за драмата на еден брачен пар. Откако Роман ќе сфати дека е импотентен, ја наговара сопругата Ханка да си најде љубовник за задоволување на сексуалните потреби. Хана неволно се согласува. Роман „заборава“ дека ја наговорил на тој чин и станува опсесивно љубоморен. Ја шпионира Ханка и откако ќе ја види со љубовникот ќе одлучи да се самоубие. Но, не знае дека Ханка има намера да ја прекине врската со љубовникот…
Возрасна категорија: 12 години
Влезница: бесплатен влез
6 ДЕКЕМВРИ (НЕДЕЛА), 20:00 Ч.
7 ДЕКЕМВРИ (ПОНЕДЕЛНИК), 18:00 Ч.
ДЕКАЛОГ: 10
(Dekalog 10 / Thou Shalt Not Covet Thy Neighbor’s Goods)
Игран филм, Полска / Западна Германија
1988, 57 мин., колор, ДЦП
Режија: Кшиштоф Кешловски (Krzysztof Kieślowski)
Сценарио: Кшиштоф Кешловски, Кшиштоф Пешевич (Krzysztof Piesiewicz)
Улоги: Јиржи Штур, Збигњев Замаховски, Хенрик Биста, Олаф Лубашенко, Мачеј Штур (Jerzy Stuhr, Zbigniew Zamachowski, Henryk Bista, Olaf Lubaszenko, Maciej Stuhr)
„Не посакувај ништо што е туѓо“.
Десеттата епизода на ДЕКАЛОГ е црна комедија за двајца браќа, Јиржи и Артур, кои по долго време се среќаваат на погребот на нивниот татко. Браќата во наследство добиваат вредна колекција поштенски марки. Размислуваат за можната продажба на вредната филателистичка колекција бидејќи им требаат пари.
Но, претходно мора да набават уште неколку ретки поштенски марки, бидејќи само на тој начин наследената колекција ќе ја има потребната филателистичка вредност…
Возрасна категорија: 12 години
Влезница: бесплатен влез
ПРОТОКОЛ
– Задолжително e носењето лична заштитна опрема (маска) за сите посетители на киното. Маската е задолжителна за цело времетраење на посетата на киното, во сите простории: хол, тоалет, кино сала за цело времетраење на проекцијата.
– Задолжително е одржување физичка дистанца од 1,5 – 2 метри помеѓу посетителите пред билетарницата, пред влезот во холот, пред влезот во кино салата и евентуално купување на шанкот.
– Не е дозволено стоење и групирање на посетителите од публиката во холот или кино салата.
– Задолжителна дезинфекција на рацете за сите посетители при влез во киното.
– Задолжително мерење на телесната температура на сите посетители при влез во киното.
– Задолжително седење само на местото за седење обележано на билетот.
– Користењето на тоалетите е ограничено на максимум двајца посетители во исто време.
