Во Музеј на Град Скопје вечерва (петок, 15 ноември, 19 часот) ќе се одржи трибина-изложба посветена на човекот кој се смета за основоположник на модерно Скопје, Јосиф Михаиловиќ, (Јосиф Михајловиќ Јурукоски).
Многумина велат дека Михаиловиќ со неговата умешност и визија успеал да ги даде првите урбани правци кои кои треба да се движи главниот град.
Во времето на мандатот на Михаиловиќ како градоначалник на Скопје (од 1929 до 1936 година), а потоа и од 1939 до 1941 до неговата смрт, се изградени повеќе важни објекти во главниот град, како што се Градската Болница, Офицерскиот дом, бетонските мостови на Вардар, Зоолошката градина, Старата железничка станица и многу други.
Тој се занимавал со архитектонско проектирање, а граѓаните на Скопје особено го ценеле Михаиловиќ кој низ градот често се движел со пајтон или пеш, за да ги забележи сите проблеми на жителите.
Починал на 11 март 1941 година, за време за време на хирушка интервенција за вадење на слепо црево. Погребната поворка ја следеле 15 илјади жители на Скопје, церемонијата траела пет часа и повеќе од 20 лица одржале проштални говори.
