Десеттото јубилејно издание на „Вечерите на женски права”, ќе се одржи од 6 до 8 март, во знак на овогодинешната тема за одбележување на Меѓународниот ден на жената – 8ми Март: „Размислувај еднакво, гради паметно, со иновација за промена!”.
Фокусот е на лидерките во индустријата, на start-up-и кои прават промена, социјални претприемнички, активистки и жени иноваторки, изнаоѓање начини преку кои ИНОВАЦИЈАТА може да ги премости пречките и да го забрза прогресот кон родовата еднаквост.
Организатор на настанот е Универзитетот за аудиовизуелни уметности ЕФТА Скопје, а настанот се реализира под покровителство на Град Скопје, со поддшка на UN Women – Тело на ОН за родова еднаквост и зајакнување на жените, во партнерство со Институтот за родови студии – Филозофски факултет Скопје и Шведската амбасада во Скопје.
Програмата ќе се одвива во текот на три дена – 6 и 7 март во Кинотеката на Македонија со почеток од 20.00 часот и на 8 март во Младинскиот Културен Центар (Галерија и Кино Фросина), со почеток од 19.30 часот. Влезот за сите три вечери е СЛОБОДЕН.
Програма:
06.03 (СРЕДА) – КИНОТЕКА НА МАКЕДОНИЈА
20.00 Изложба на студентски фотографии „F8″
Универзитет за аудиовиузуелни уметности ЕФТА
Институт за родови студии – Филозофски факултет, Скопје
20.30 Филмска проекција
ВОВЕД ВО I-TECH, Приказни од Шведска, 3,55 мин.
ТАА ГО ЗАПОЧНА, САД, 2016, 84 мин.
Режија: Нора Поги, Инсија Саед
07.03 (ЧЕТВРТОК) – КИНОТЕКА НА МАКЕДОНИЈА
20.00 Филмска проекција
РОДОВИОТ ФОТОГРАФ, Приказни од Шведска, 4,27 мин.
МОДНАТА БИБЛИОТЕКА, Приказни од Шведска, 5,20 мин.
КОД – ОТСТРАНУВАЊЕ НА РОДОВИОТ ЈАЗ, САД, 2015, 80 мин.
Режија: Робин Хаузер Рејнолдс
08.03 (ПЕТОК) – М.К.Ц.
19.30 МКЦ Галерија
Отворање на изложбата МЕНУВАЊЕ НА РЕФЛЕКСИИ
(кураторка Шќипе Мехмети)
Учеснички: Марија Ветероска, Македонија; Ана Јовановска, Македонија; Дита Старова Ќерими, Македонија; Јана Јакимовска, Македонија; Христина Зафировска, Македонија; Михаела Јовановска, Македонија; Катерина Ристовска, Македонија; Розафа Шпуза, Албанија; Маја Ќук, Србија; Сузана Ардо, Велика Британија; Ивана Смиљаниќ, Србија.
20.00 МКЦ Кино Фросина, Филмска проекција
ДРУГИТЕ ЗБОРУВААТ, НИЕ ПРАВИМЕ! – КОН РОДОВАТА ЕДНАКВОСТ ВО ШВЕДСКАТА ФИЛМСКА ИНДУСТРИЈА, Приказни од Шведска, 4,12 мин.
ГИК ДЕВОЈКИ, Велика Британија, 2017, 83 мин.
Режија: Џина Хара
21.30 МКЦ Кино Фросина
Дебата РОДОВ ГЕЈМИНГ ЗА ЕДНАКВИ ПРАВА
Ана Јовковска и гостите Аријана Коскарова (Creative Hub), Ива Михајловска (NapNok), Ирена Н. Чаушевска (Next Billionaires Capital, NewMan’s Business Accelerator), Климентина Илијевски (Паблик, Лице в лице), Петар Ниновски (Brainster), Тамара Котевска (Honeyland).
22.30 МКЦ Фоаје Кино Фросина
Концерт на СТРАНА Б
13.03 (СРЕДА) КИНОТЕКА НА МАКЕДОНИЈА
12.00
Прогласување на наградените фотографии од средношколците на конкурсот: Размислувај еднакво, гради паметно, со иновација за промена!
Проекција на кратки документарни филмови од серијалот Приказни од Шведска
Дебата со Ана Jовковска
*филмовите се од втора категоија – филмови за кои се препорачува надзор од родител или старател.
