Перформансот “Топење” на Борис Петровски ќе биде изведен вечер (сабота, 30 јуни) на Плоштадот Македонија, во 21 часот.
„Топење“ претставува симулација на еден од проблемите од глобалното затоплување – топењето на глечерите. Целта на Петровски е да потсети за одговорностa што треба да ја имаме пред природата.
Петровски дипломирал на скопскиот Факултет за ликовни уметности на одделот за скулптура и графички дизајн. Реализирал пет самостојни изложби, а учествувал и на повеќе групни претставувања во земјава и во странство.
Терминот во 20:30 часот, пак, е резервиран за концерт на музичари од Турција, што ќе се одржи на Факултетот за ликовни уметности. Публиката ќе може да ужива во настапот на познатите Ширин Панџароглу и Мерич Донук на харфа, Зохар Фреско на удиралки и вокалот Мирчан Каја.
