Денеска (17 август, недела) во 21.00 часот, на Градскиот плоштад во Крушево пристигнува „Патувачкото кино“ на Македокс.
Во Крушево ќе бидат прикажани два документарни филмови „Македонија во слики“ и „Плати и жени“.
Инаку, манифестацијата „Крушево – град на културата“ продолжува на 19 август, кога на Градскиот плоштад придружуван од својот бенд, концерт ќе одржи Влатко Лозаноски – Лозано.
Паралелно со останатите културни настани, деновиве во Крушево се одржува и „Летната школа за гитара“, која ќе заврши со концерт на 23 август, кога покрај организаторот – Христу Мулар, ќе настапат и гостите на вечерта: Пепи Ренџов, Кокан Димушевски и Трајче Органџиев.
Ова богата културно лето во Крушево е благодарение на Министерството за култура на Република Македонија и Општина Крушево, кои заеднички ја реализираат манифестацијата „Крушево – град на културата за 2014 година“.
