Претставата „М.М.Е. кој прв почна“, по Дејан Дуковски, во режија на Војо Цветановски, со младите актерите, Македонка Илиевска и Дарко Вељиќ, кои дипломираа актерска игра на Софиската Академија, на сцената кутија во Универзалната сала, е дел од репертоарот и веќе интензивно се игра.
– Оваа претстава се одлучив да ја работам, бидејќи во мене го испровоцира заедничкото во половите. Си поставив прашање: Колку луѓе постојат на оваа планета? Маж и Жена или Жена и Маж, во секој случај двајца.
Во прашање се варијации, а „М.М.Е. кој прв почна“, е крикот на ангелот.
Низ фразата „ЗНАЕШ ДЕКА ЗНАМ“, до гола кожа е соблечена болката на човекот.
Оваа „М.М.Е. кој прв почна“, се бави со тоа колку ние луѓето сме спремни да се соочиме со помошта од ангелот? … колку лесно ја отфрламе од себе таа помош, манифестирајќи ја сопствената суета, гладот за нанесување болка и себе задоволување.
Претставата може да ја проследите со почеток во 20 часот на 07.02.2011 (понеделник), како и на 19.02.2011 (сабота), во Универзалната сала во Скопје.
Улоги: Македонка Илиевска и Дарко Вељиќ
Музика: Ненад Тонкин („Беи д фиш“), Гоце Тазз и Џака Накот
Костими и сценографија: Прона Ристова
Режија: Војо Цветановски