Женскиот камерен хор „Света Злата Мегленска“ – Скопје, за прв пат во православната соборна црква “Пресвета Богородица”, денес (петок) 29.04.2011 година , со почеток во 19:30 часот, ќе го одржи традиционалниот Велигденски концерт „ВОСКРЕСЕНИЕ ТВОЕ“, под покровителство на Град Скопје.
Во рамки на програмата ќе бидат изведени делата: Отче наш – Д. Шуплевски (солист Симона Петровска); Приидите воспоим, људие- Д.Бортњански; Помјанух пророка – Т. Скаловски (солист Јулија Карамитрова Огненоска); Достојно ест – П.И.Чајковски; Гласом моим – А.Архангелски (солист Николина Јаневска); Хвалите Господа – Д.Бортњански; Богородице Дево радујсја – С.Рахмањинов; Под твоју милост – Д. Бортњански (солист Јулија Карамитрова Огненоска); Сеј Ден – Д. Бортњански; Ангел вопијаше – П. Динев; Воспојте Господеви песн нову – Д.Бортњански; Алилуја – З. Запров (солист Јулија Карамитрова Огненоска).
Солисти на овој концерт се Јулија Карамитрова Огненоска, Николина Јаневска и Симона Петровска, а концертот ќе се одржи под диригентската палка на диригент Летка Димовска Полизова.