На 21 септември 2013 во Кинотеката на Македонија, ќе се одржи вториот настан TEDxSkopje на тема „City 2.0“.
Настанот „TEDxSkopje City2.0“ ќе биде еден од повеќето настани кои под истото име ќе се оддржат на глобално ниво. Имено, настанот ќе се случува во повеќе од 30 земји во светот, на 20 и 21 септември 2013 година, зависно од временските зони.
Настаните TEDx се одржуваат независно и оној кој што ја поседува лиценцата за градот ги избира темите на кои ќе се зборува. Ова е втора конференција на TEDxSkopje и овојпат темата на овој настан е градот.
Целта на TEDxSkopje е да креира, генерира и сподели идеи, да пренесе “аха” знаење и да создаде заедница од индивидуалци што сакаат да се дружат, мотивираат и инспирираат.
Во соопштението за настанот се вели: „Минатата конференција на TEDxSkopje се одржа во oктомври 2010г. Од тогаш наваму, имавме доста идеи за теми на кои би можело да се зборува. Но, кога од TED го најавија настанот City2.0 знаевме дека таа е вистинската тема на која треба да споделиме идеи со граѓаните на Скопје. Говорници од различни области ќе зборуваат на тема град поврзано со уметност, едукација, храна, здравје, игра, јавен простор и безбедност“.
City 2.0 ќе ги опфати следниве теми:
– Редефинирање на граѓанинот
– Пресоздавање на урбаното искуство
– Обмислување на градот
– Прекројување на географиите
Листата на говорници можете да ја најдете тука: