Четвртото издание на фестивалот „Слободна зона“ годинава од 27-30 август ќе се одржи во Виница.
За времетраењето на „Слободна зона“ Виница ќе биде исцртана со графити од тројца креативци од градот, а ќе настапат звучни имиња од македонската и хрватската алтернативна музичка сцена – Грин фаз, Да Џака Накот, Фулиш грин, Власта Попиќ, Скандал, диџеите Роботек, Марсо, Мирко Попов и Диаз Кортез.
Мотото ќе биде „Ослободи зона – креирај“, а идејата е да се победи летаргијата на помалите места како Виница. На фестивалот ќе има театарска работилница, танцово-театарски перформанс, проекции на филмови и дебати.