Познатиот македонски поет Ристо Ѓ. Јачев во поетската едиција на скопски Макавеј ја објави новата поетска книга „Помнам“.
Во препораката кон новата поетска книга на Ренџов, поетот и литературен критичар Бранко Цветкоски истакнува:
„Ристо Ѓ. Јачев на цврсти нозе ја поставил поезијата во својата најнова книга „ПОМНАМ“. Таа поезија има едно навистина ретко и необично својство: успевајќи постојано да остане и да се остварува како поезија, таа ниту во еден миг не го напушта наумот да остане говор, исказ, извештај за траумите на единската наспроти вечноста. Замаена меѓу тагата и љубовта, меѓу иднината и небиднината, таа не е лишена од порака. Всушност, пораката е успешно вградена во певот. Ова може да значи само едно: во најновиот поетски ракопис Јачев успеал на ретко импресивен начин да ги реши основните творечки проблеми и да ни понуди поезија која со задоволство и со радост ја поздравуваме.“
Како што е познато Јачев е автор на дваесетина поетски книги, неколку прозни и драмски дела, носител е на македонски и меѓународни поетски награди, негови книги се преведувани на повеќе странски јазици.