„Четврток“, краткиот филм во режија на македонскиот режисер Милчо Манчевски во ноември ќе биде прикажан на “Shorts Attack“, месечната специјална програмата во кино-салите во Берлин, Германија, како дел од 28 интернационален фестивал на краток филм.
„Четврток“ е филм во американска продукција, а премиерно беше прикажан на отворањето на Меѓународниот филмски фестивал во Венеција на 28 август. Сценариото за „Четврток“ го напиша Манчевски, продуцент е Арон Левин, а во главната улога настапува младата актерка Лора Ласи.