Темелна реконструкција на киносалата во Делчево која е во состав на Центарот за култура „Никола Јонков Вапцаров“. Делчево ќе добие нов современ простор кој освен за презентација на филмовите од богатата македонска и светска кинематографска продукција …
Со финансиска поддршка на Министерството за култура годинава ќе се изврши темелна реконструкција на киносалата во Делчево која функционира во состав на националната установа Центар за култура „Никола Јонков Вапцаров“.
Согласно проектот чија реализацијата ќе се одвива во неколку фази ќе биде извршена реконструкција и санација на објектот, како и комплетна реконструкција на покривната конструкција, на внатрешните простории на киносалата, а ќе биде обновена и фасадата.
Во рамките на проектот на Владата на РМ и Министерството за култура за набавка на нова дигитална за киносалите во повеќе градови во земјава, минатата година киното во Делчево доби и нов дигитален проектор, со што по подолг период се овозможи обновување на киноприкажувачката дејност во овој град.
Со реализацијата на проектот за реконструкција на објектот во кој е сместено киното, Делчево ќе добие нов современ простор кој освен за презентација на филмовите од богатата македонска и светска кинематографска продукција ке се користи и за други културни збиднувања.