Од утре (вторник, 10 септември) во Центарот за култура „Григор Прличев“ во Охрид ќе се прикажува серијал со најпознатите филмувани бајки. Проекциите се со почеток од 19:00 часот.
Серијалот започнува утре со филмот „Мачорот во чизми“. На 11-ти септември ќе се прикажува „Златокоса“, на 12-ти е филмот „Храбриот кројач“, на 13-ти септември најмладите ќе уживаат во „Кралот жаба“, а ревијата завршува в сабота на 14-ти септември со филмот „Трнорушка“.
Циклусот со бајките го организираат охридскиот Центар за култура во соработка со Кинотека на Македонија и Гете Институтот за врски од Скопје.