Утре (среда, 14 август) во 21:00 часот во Центарот за култура „Григор Прличев“ во Охрид, ќе се одржи праизведба на „Живот под кирија“ од Рафет Абази, во режија на Лука Кортина од Италија, а во продукција на Албанскиот театар од Скопје.
Претставата „Живот под кирија“ е надреална сатира, приказна за младиот режисер Дин и неговите почетоци во создавањето на еден нов свет, свет во театарот и еден убав театарски живот. Но не оди сè така лесно, тој се соочува со непослушноста на актерите и управата, кои театарот го гледаат како начин за постигнување други цели…
Театарот е реална и нереална слика и една убава слобода да се искаже едно чувство или повеќе чувства, да се исткае една убава приказна… за луѓе, за нелуѓе и Дин во средината, кој се клати од една на друга страна барајќи си го своето место.
Чувството што го добиваме од следењето на оваа праизведба, оди против затворените системи, се служи со кршење на целината, бара транспарентност и отворен дух, за да го снема и избрише оној брутален ефект како резултат на невозможноста.
Лука Кортина е роден во Фиренца, Италија. По завршувањето на литература и театар на Универзитетот во Фиренца, работел со директорот Паоло Маљели во „Метастасио театар“ во Прато. Потоа доаѓа во Скопје на Факултетот за драмски уметности, во класата на професор Слободан Унковски. По завршувањето на студиите, продолжува да работи како помошник режисер со Александар Поповски во многу интернационални продукции како Молиеровиот „Дон Жуан“, на Интернационалниот фестивал во Богота, и „Одисеј“ на Улисис театарот во Хрватска.
Во Македонија исто така работи во македонските театри како и во режирање на различни културни и програмски настани.
Автор………………Рефет Абази
Режија……………..Лука Кортина
УЛОГИ
Дин …………………………………Бесфорт Идризи
Рина………………………………..Амернис Јовановска Нокшиќи
Басри………………………………Хисмет Рамадани
Директорот ………………….Музбајдин Ќамили – Мучи
Виола (фиктивен лик) ……Линда Саити
Беким (фиктивен лик) ……Џевдет Јашари
Јета (фиктивен лик)………..Греса Паласка
Селма ………………………….. .Аида Елези
Инспициент …………………Генци Мирзо
Ферид …………………………… Ибрахим Џемаили
Хасан …………………………. Адем Карага
Непознатиот …………… Беќир Нуредини, Хајрула Рамизи, Асдрен Селими, Блерим Дардишта