Здружението Археологика ќе го oдбележи светскиот ден на археологијата на 25 Јули во НУ Музеј на Македонија.
Денот на Археологијата е годишен настан кој се празнува низ целиот свет. Проектот треба да обезбеди прозорец во секојдневниот живот на археолозите. Целта е што повеќе археолози кои работат, студираат или волонтираат било каде во светот да учествуваат во одбележувањето на овој ден и со скромен придонес снимајќи го нивниот ден, споделувајќи текстови, слики или видеа, да го покажат широкиот спектар на работа што луѓето од нашата професија го прават ден за ден низ целиот свет.
За таа цел “Археологика” ќе огранизира целодневен настан во кино салата на музејот каде што ќе има серија предавања од различни теми од археологијата, презентација на документарни филмови, фотографии, размена на идеи и искуства како и малку музика и забава на платото пред музејот.
Со овој мал придонес од македонските археолози, преку соработката со “British Council for Archaeology” македонската археологија ќе биде презентирана и афирмирана низ целиот свет. Настанот ќе се одржи на 25 Јули 2013 година (Четврток) во НУ Музеј на Македонија со почеток во 12 часот.
Повеќе информации на www.archaeologica.org.mk
