Точно една година по незаборавниот концерт, по кој „Нокаут“ се вратија во Битола и средата вечер го надминаа својот минатогодишен рекорд на посетеност.
Битолчани не ги уплаши ни променливото време, ни највената бура. Како што во еден глас пееја заедно со „Нокаут“ – „Па и да ни заврне чадор имаме…“. Ракометното игралиште целосно беше пополнето, а публиката уживаше во настапот на Нокаут. Не остана рамнодушна ни на домашните бендови „Паркети“ и „Промашена инвестиција 3,14“ кои придонесоа за уште поголема енергија и забава до раните утрински часови.
Со дел од сретствата на концертот, кој е дел од досега најголемото и најсодржајно културно лето „Бит Фест 2013“, „Нокаут“ со организаторите „Горила продукција“ едногласно решија да му помогнат на 27-годишниот битолчанец Димтитрија Ласовски што поскоро да замине на лекување во странство.
„Нокаут“ продолжуваат со активното лето. Следна е публиката во Кочани, која ќе ужива во добропознатите евергрини, но и новите песни на бендот на бесплатниот концерт во Градскиот парк во сабота, 13-ти јули. Кулминацијата ќе биде на 26-ти, за кога бендот го подготвува големиот концерт во клубот „Кадмо“ во Охрид.
„Нокаут“ пред само неколку дена го промовираа видеоспотот за новата песна „Запомни тоа е се што имаме“, во продукција на „Горила“, на чело со режисерот Владимир Дади Илиевски.
